伍濤月訊 – 2021年8月

你今日過得好嗎?
看似簡單嘅問候,對於為人父母嘅各位,真係要諗一諗先可以誠實回應。若孩子係有特殊學習需要
Special Education Need)的話,想必整個家庭都需要更多愛與忍耐,先可以好好過每一日。
8月推介畀大家嘅,係伍濤同SENiA團隊一齊創作既新繪本雅的一天。故事講述一位專注力不足嘅孩子(SEN iAttention),常被形容為「一舊雲」,好難按時完成任務。幸好媽咪同珊雅之間有個「三字暗號」,一撳掣就釋放能量,幫佢哋度過無數困難。
今次創作,由SENiA團隊領袖嘉麗原創(佢都係伍濤核心義工嚟㗎!),由Lily老師親筆撰文繪圖,並由美聲孩子詠欣為我哋演繹,加上實習生天天嘅投入剪輯,簡直~PERFECTO~!

【乾粉彩小老師誕生喇!】
當7月Lily老師仲喺度努力培訓一群青年同孩子,成為攞正牌嘅和諧粉彩準指導師,踏入8月,已經個個有工開!仲唔止,未來一年,其中荃灣區嘅三位乾粉彩小老師 – 心言大師姐+助教梓瑄+助教智禮 – 會繼續攜手合作,大家一齊開心、學習、行動!

【社區青年大使畢業禮】
由6月初至今,兩位青年大使一心同埋天天除咗同同工們一齊服務社區嘅孩子同家庭,而且仲得到兩個免費藝術師資培訓。踏入實習最後階段,同工們對兩位都依依不捨,特別係彪老師同埋華老師,以督導身份同行咗3個月,大家都建立咗一份真誠嘅師友關係。感恩有佢哋,令呢三個月嘅伍濤笑聲不絕,又一齊完成好多不可能嘅任務,仲大大拉低咗同工群平均年齡添!🙊衷心祝福你哋,將三個月所學,活學活用,繼續發光發熱,照亮他人!

【藝術工作坊 – 流體畫 中秋和諧粉彩體驗工作坊】
正所謂打鐵趁熱!6月份啱啱完成咗流體畫導師培訓嘅實習生,話咁快已經喺7-8月開咗幾個唔同嘅流體畫體驗班,接觸超過200人次,當中包括親子、藝術愛好者【小預告】
本周日(905),將會舉行一年一度嘅「伍濤年度會員大會」。由過去一年我哋開放會員系統直至如今,已經累積44位會員。同工們都為呢44位願意主動同行嘅好buddies而感恩!盼望呢次相聚,又能彼此加油,數數過去一年所完成嘅工作之餘,亦展望未來一年更豐富,更精彩!
9月中,又會舉行每年嘅大事 – 「年度計劃營」,真係需要收到月訊嘅你,同我哋一齊發下夢。誠邀你,每逢想起我哋,就喺心裡面默默祝福我哋一下,每一個真誠嘅祝福,我哋都會收到㗎!係真㗎!、企業員工、藝術素人、特殊教育藝術培訓師同埋特殊教育親子等等。另外,單單8月,伍濤同工就以和諧粉彩工作坊形式接觸超過70人次,傳遞「愛自己,愛家人,愛更多人」嘅正面訊息!
若果你都想一齊體驗以上兩種藝術工作坊,就千萬要留意番伍濤FBIG,我哋會不時開班,唔好錯過!

【親子成果展 + 橫風橫雨家訪送祝福 深水埗宏恩】
繼6月份重啟逢周五入校服務,完成咗幼兒課程之後,8月初借用合作伙伴場地舉辦咗一次親子成果展一共有23個小朋友同家庭帶住興奮心情來參加!不少小朋友仲記得義工們嘅名添呀!除此之外,8月底,義工們趁住開學前,包好一包包小禮物,兩個三個走入8個家庭,同孩子做手工玩遊戲,又關心下家長嘅開學前擔憂同情緒,為佢哋加油打氣!

【婆婆媽媽手作,手工藝義賣@百德浸信會】
繼上期月訊嘅密鑼緊鼓準備,822及829連續兩個周日,婦女組嘅各位婆婆媽媽都忙過不停!由彩紅老師同小麥老師兩位操刀,加上社區婆婆媽媽們嘅爆SEED創意,將一幅幅流體畫,製作成掛鐘、杯墊、小掛飾;加上皮手作、香薰蠟燭同香薰蠟牌,各有特色,件件獨一無二!衷心感激佢哋同埋一眾識貨之友!義賣所得,扣除成本,全數使用於伍濤嘅育苗計劃幫助遠方有需要嘅孩子!亦特別鳴謝百德浸信會提供兩日場地。

【伍濤辦公室大執位,轉身成為伍濤工作室】
為了踐行藝力,同工們合力喺8月最後兩日,將原本嘅「會議室」變為「畫室」,又大執辦公室嘅位置,騰出空間!辛勞兩日,腰酸骨痛,但睇到成果,大家都樂在其中!我哋希望於同樣有限嘅空間,營造更濃厚嘅「藝力」,讓以後嚟藝術工作坊嘅朋友,能自然進入狀態。歡迎各方好友上嚟驗收,畀啲意見,一齊打造一個激發靈感嘅伍濤工作室」

【小預告】
本周日(905),將會舉行一年一度嘅「伍濤年度會員大會」。由過去一年我哋開放會員系統直至如今,已經累積44位會員。同工們都為呢44位願意主動同行嘅好buddies而感恩!盼望呢次相聚,又能彼此加油,數數過去一年所完成嘅工作之餘,亦展望未來一年更豐富,更精彩!
9月中,又會舉行每年嘅大事 – 「年度計劃營」,真係需要收到月訊嘅你,同我哋一齊發下夢。誠邀你,每逢想起我哋,就喺心裡面默默祝福我哋一下,每一個真誠嘅祝福,我哋都會收到㗎!係真㗎!

祝福你: 在困難的日子,繼續與身邊的人彼此打氣!

期待同你一齊,繼續用藝術同故事,讓世界變得更美麗。
伍濤基金會 / 彪老師 / 志願者工程核心團隊  敬上


用愛填滿孩子心┃培育青年義工‧ 服務困境兒童

若你想經濟上支持伍濤的工作,可通過以下方式捐款:

1. 網上銀行轉數快(香港地區適用)
於轉數快收款人號搜尋:7367659,

將成功轉數紀錄截圖,並電郵至office@wave-5.com

或Whatsapp至+852 93275244,

請註明捐款人全名,捐款用途及聯絡電話。

例如:「捐助:蒲公英助學金.陳大文,91234567」


2. 劃線支票(香港及海外地區適用)

支票抬頭請寫「Wave5 Foundation Ltd」或「伍濤基金會有限公司」

請將劃線支票連同聯絡方法(姓名、電話、電郵和通訊地址)

寄回本會:香港九龍新蒲崗大有街35號義發工業大廈九樓B5室

3. 銀行轉帳(香港及海外地區適用)

將捐款存入香港匯豐銀行戶口:
「015-662513-838」

並將銀行收據電郵至office@wave-5.com
或Whatsapp至+852 93275244。

Bank Name: The Hongkong and Shanghai Banking Corporation Limited
Address of HSBC Office: 1 Queen’s Road Central, Hong Kong. 
SWIFT code: HSBCHKHHHKH
Account Name: Wave5 Foundation Ltd.
Account Number: 015-662513-838

人民幣捐款,請存入招商銀行戶口
深圳上步支行,戶名陳淑娟,
帳號 6225 8878 2025 9162

4. 網上捐款(PayPal / 信用咭)

請立即登入網上捐款頁

https://wave5.com.hk/donation

可使用信用咭而無須登記PayPal戶口

5. PAYME(匯豐銀行)
https://qr.payme.hsbc.com.hk/2/H4GvMbRK5XhYJTZ5hXUZgP

我愛留守兒童